నీవెవరో గుర్తు చేసేవాడు గురువు.
జ్ఞానమును బోధించేవాడు గురువు.
దైవము వైపు నడిపించేవాడు గురువు.
సమర్పణ చెందినవాని సమస్త భారము వహించువాడు గురువు.
అరిషడ్వర్గములనుండి కాపాడువాడు గురువు.
అమృతత్వమును ప్రసాదించువాడు గురువు.
తాను బ్రహ్మమై శిష్యునికి బ్రహ్మత్వము అనుగ్రహించేవాడు గురువు.
జన్మ జన్మలకు వదలక ఉండేవాడు గురువు.
కరుడుకట్టిన కర్మను కరుణతో కరగించువాడు గురువు.
సత్యదర్శనము చేయుంచువాడు గురువు.
అంధకారములో వెలుగై దారి చూపువాడు గురువు.
జీవుల శ్రేయస్సు కాంక్షించువాడు గురువు.
శిక్షణ, రక్షణ అందించేవాడు గురువు.
దేవునికి జీవునికి అనుసంధానము కలిగించువాడు గురువు.
భక్తి, జ్ఞాన వైరాగ్యములను మేల్కొలుపువాడు గురువు.
భోధ చేసి బాధ తీర్చేవాడు గురువు.
సమస్త జగత్తు వ్యాపించినవాడు గురువు.
త్రిగుణములకు అతీతుడు గురువు.
అజ్ఞానమును పారద్రోలి జ్ఞానజ్యోతిని వెలుగించువాడు గురువు.
దేవతలందరూ వశమైవుండువాడు గురువు.
సమస్త అరిష్టములను నాశనము చేయువాడు గురువు.
మంత్ర ఛేదనము చేయగలవాడు గురువు.
త్రిలోకములను వశము చేసుకొన్నవాడు గురువు.
త్రిమూర్తి స్వరూపుడు గురువు.
ఆత్మ దర్శనము చేయించగలవాడు గురువు.
ప్రజ్ఞాప్రాణములను స్థిరపరచువాడు గురువు.
మనిషిని మహాత్మునిగా మలచువాడు గురువు.