7-46-ఉ.
మచ్చిక
వీరికెల్ల బహుమాత్రముఁ జోద్యము దేహి పుట్టుచుం
జచ్చుచు
నుంటఁ జూచెదరు చావక మానెడువారిభంగి నీ
చచ్చినవారి
కేడ్చెదరు చావున కొల్లక డాఁగ వచ్చునే?
యెచ్చటఁ
బుట్టె నచ్చటికి నేఁగుట నైజము ప్రాణికోటికిన్.
7-49-ఆ.
ధనము
వీథిఁ బడిన దైవవశంబున
నుండు; పోవు మూల నున్న నైన;
నడవి
రక్ష లేని యబలుండు వర్ధిల్లు;
రక్షితుండు
మందిరమునఁ జచ్చు.
7-51-సీ.
పాంచభౌతికమైన
భవనంబు దేహంబు;
పురుషుఁడు
దీనిలోఁ బూర్వకర్మ
వశమున
నొకవేళ వర్తించు దీపించుఁ;
దఱియైన
నొకవేళఁ దలఁగి పోవుఁ
జెడెనేని
దేహంబు జెడుఁగాని పురుషుండు;
చెడ
డాతనికి నింత చేటులేదు
పురుషునకిని
దేహపుంజంబునకు వేఱు;
గాని
యేకత్వంబు గానరాదు
7-51.1-ఆ.
దారువులఁ
వెలుంగు దహనుని కైవడిఁ
గాయములఁ
జరించు గాలిభంగి
నాళలీనమైన
నభము చాడ్పున వేఱు
దెలియవలయు
దేహి దేహములకు.
ప్రహ్లాద
చరిత్రలోని పద్యములు
7-123-శా.
పానీయంబులు
ద్రావుచుం గుడుచుచున్ భాషించుచున్ హాస లీ
లా
నిద్రాదులు చేయుచుం దిరుగుచున్ లక్షించుచున్ సంతత
శ్రీనారాయణ
పాదపద్మయుగళీ చింతామృ తాస్వాద సం
ధానుండై
మఱచెన్ సురారిసుతుఁ డే త ద్విశ్వమున్ భూవరా!
7-130-క.
"చదువనివాఁ డజ్ఞుం డగు
జదివిన
సదసద్వివేక చతురత గలుగుం
జదువఁగ
వలయును జనులకుఁ
జదివించెద
నార్యులొద్ధఁ జదువుము తండ్రీ!"
7-167-మ. నవవిధ భక్తి
తనుహృద్భాషల
సఖ్యమున్ శ్రవణమున్ దాసత్వమున్ వందనా
ర్చనముల్
సేవయు నాత్మలో నెఱుకయున్ సంకీర్తనల్ చింతనం
బను నీ
తొమ్మిది భక్తిమార్గముల సర్వాత్మున్ హరిన్ నమ్మి స
జ్జనుఁడై
యుండుట భద్రమంచుఁ దలతున్ సత్యంబు దైత్యోత్తమా!
7-170-సీ.
కంజాక్షునకుఁ
గాని కాయంబు కాయమే? ;
పవన
గుంఫిత చర్మభస్త్రి గాక;
వైకుంఠుఁ
బొగడని వక్త్రంబు వక్త్రమే? ;
ఢమఢమ
ధ్వనితోడి ఢక్క గాక;
హరిపూజనము
లేని హస్తంబు హస్తమే? ;
తరుశాఖ
నిర్మిత దర్వి గాక?
కమలేశుఁ
జూడని కన్నులు కన్నులే? ;
తనుకుడ్యజాల
రంధ్రములు గాక;
చక్రిచింత
లేని జన్మంబు జన్మమే?
తరళ
సలిల బుద్బుదంబు గాక;
విష్ణుభక్తి
లేని విబుధుండు విబుధుఁడే?
పాదయుగముతోడి
పశువు గాక.
7-171-సీ.
సంసారజీమూత
సంఘంబు విచ్చునే? ;
చక్రిదాస్యప్రభంజనము
లేక;
తాపత్రయాభీల
దావాగ్ను లాఱునే? ;
విష్ణుసేవామృతవృష్టి
లేక;
సర్వంకషాఘౌఘ
జలరాసు లింకునే? ;
హరిమనీషా
బడబాగ్ని లేక;
ఘనవిప
ద్గాఢాంధకారంబు లడగునే? ;
పద్మాక్షునుతి
రవిప్రభలు లేక;
నిరుపమాపునరావృత్తి
నిష్కళంక
ముక్తినిధిఁ
గానవచ్చునే? ముఖ్యమైన
శార్ఙ్గకోదండచింతనాంజనము
లేక
తామరసగర్భునకు
నైన దానవేంద్ర!”
7-181-ఉ.
"అచ్చపుఁ జీకటింబడి గృహవ్రతులై విషయప్రవిష్టులై
చచ్చుచుఁ
బుట్టుచున్ మరలఁ జర్వితచర్వణు లైన వారికిం
జెచ్చరఁ
బుట్టునే పరులు చెప్పిన నైన నిజేచ్ఛ నైన నే
మిచ్చిన
నైనఁ గానలకు నేఁగిన నైన హరిప్రబోధముల్.
7-182-ఉ.
కాననివాని
నూఁతగొని కాననివాఁడు విశిష్టవస్తువుల్
గానని
భంగిఁ గర్మములు గైకొని కొందఱు కర్మబద్ధులై
కానరు
విష్ణుఁ, గొంద ఱటఁ గందుఁ రకించన వైష్ణవాంఘ్రిసం
స్థాన
రజోభిషిక్తు లగు సంహృతకర్ములు దానవేశ్వరా!
7-214-సీ.
కంటిరే
మనవారు ఘనులు గృహస్థులై;
విఫలులై
కైకొన్న వెఱ్ఱితనము;
భద్రార్థులై
యుండి పాయరు సంసార;
పద్ధతి
నూరక పట్టుబడిరి;
కలయోనులం
దెల్ల గర్భాద్యవస్థలఁ;
బురుషుండు
దేహి యై పుట్టుచుండుఁ
దన్నెఱుంగఁడు
కర్మతంత్రుఁడై కడపట;
ముట్టఁడు
భవశతములకు నయిన
దీన
శుభము లేదు దివ్యకీర్తియు లేదు
జగతిఁ
బుట్టి పుట్టి చచ్చి చచ్చి
పొరల
నేల మనకుఁ? బుట్టని చావని
త్రోవ
వెదకికొనుట దొడ్డబుద్ధి.